A obra completa para quinteto de ventos de Carlos López García-Picos é a protagonista desta entrega discográfica. Foi editada conxuntamente polo Concello de Betanzos e o grupo de traballo Organistrum da USC. Inclúe 7 pezas compostas ás beiras do Atlántico, nas marxes do Río da Prata e o Mandeo, que definen moi ben a estética do compositor. Foron editadas tamén as partituras, transformando os manuscritos orixinais.